'ராமதாஸ் - அன்புமணி' இடையிலான மோதலில், சமரச முயற்சியில் இறங்கி இருக்கும் ஜி கே மணி. இதில் மாவட்டச் செயலாளர்கள் கூட்டத்தைக் கூட்டி, தனக்கே ஆதரவு அதிகம் இருக்கிறது என்பதை காட்டி, அன்புமணியை ஓரம் கட்ட திட்டமிட்டு இருந்தார் ராமதாஸ். இதை புரிந்து கொண்டு, ராமதாஸை ஓரங்கட்ட, தனக்கே பெரும்பான்மை பலம் இருக்கிறது என்பதை அன்புமணி உணர்த்தும் விதமாக ஆப்சன்ட் ஆகியுள்ளார். இரண்டு பேரும் விடாப்பிடியாக இருக்க, 'இரட்டை பாமக' உருவாகி விடுமோ என்கிற அச்சத்தில் இருக்கும் தொண்டர்கள். இன்னொரு பக்கம், விஜய்யுடன் கூட்டணி சேர, டீல் பேசும் ஓபிஎஸ் டீம். புது டிவிஸ்ட்.

பாமகவின் மாவட்ட செயலாளர்கள் கூட்டத்தை, தைலாபுரத்தில் கூட்டினார் ராமதாஸ் ஆனால் 108 பேரில் வெறும் பதினோரு பேர் மட்டுமே ப்ரெசென்ட். அன்புமணி உள்ளிட்ட ஏராளமானோர் ஆப்சென்ட். பின்னணியில் 'ராமதாஸ் - சௌமியா அன்புமணி' இடையிலான குடும்ப மோதலும், அன்புமணி க்கு மாநாட்டில் ராமதாஸ் பாடம் எடுத்ததும் காரணம் என்கிறார்கள். இதற்கிடையே ஜூலை 25ஆம் தேதி வரை கெடு வைத்துள்ளார் ராமதாஸ்.

இன்னொரு பக்கம், இதே போல மாவட்ட செயலாளர்கள் கூட்டம் என வேகம் எடுத்துள்ளார் விஜய். கூட்டணி சம்பந்தமாக அவர் முன்பு நான்கு ஆப்சன்கள் இருக்க, எதை டிக்கடிக்க போகிறார் விஜய்? யாருடன் கூட்டணி சேர உள்ளது த.வெ.க?

அதிமுகவுக்கு வீக்காக உள்ளது தென்தமிழ்நாடு. இதை சரிகட்ட, தென் மாவட்டங்களை பாஜகவுக்கு ஒதுக்கி, வெற்றி பெற்றுவிடலாம். மேற்கு மண்டலத்தை அதிமுக மூலம் வெல்லலாம் என்பது கணக்கு ஆனால் ஒட்டுமொத்தமாக தென்னகத்தை, பாஜக பக்கம் தள்ளிவிடுவது, அதிமுக எதிர்காலத்திற்கு ஆபத்து மேலும் அதிமுக கூட்டணியால் தங்களை வலுப்படுத்திக் கொள்கிறது பாஜக. அதே நேரம் பாஜக கூட்டணியால், அதிமுகவுக்கு நன்மைகள் குறைவு. பாஜக வளர நாம் மேடை அமைத்து தருவதா? என குமுகின்றனர் தென் தமிழ்நாடு அதிமுக சீனியர்கள். என்ன செய்யப் போகிறார் எடப்பாடி?