தவெக-வின் செயற்குழுக் கூட்டம் பனையூரில் நடந்தது. விஜய் தான் முதலமைச்சர் வேட்பாளர், பாஜக, அதிமுக கூட்டணி நிராகரிப்பு, ஆகஸ்டில் மாநாடு, செப்டம்பரில் சுற்றுப்பயணம் என ஸ்கெட்ச் போட்டுள்ளனர். இதில் சேலம் உள்ளிட்ட ஏதாவது ஒரு இடத்தில் மாநாடு நடத்த திட்டமிட்டுள்ளனர். இன்னொரு பக்கம் கன்னியாகுமரியிலிருந்து சுற்றுப்பயணத்தை தொடங்கலாமா என்று ஆலோசனைகள் ஓடுகிறது. இந்த முறை பாஜக-வை ஓபனாக, கடுமையாக அட்டாக் செய்துள்ளார் விஜய்.

இதற்கு பின்னணியில், விஜய் சந்தித்த சில நெருக்கடிகளும் காரணம் என்கிறார்கள் சீனியர் நிர்வாகிகள்.

'விஜய் ரூட்' வொர்க் அவுட் ஆகுமா?

இன்னொரு பக்கம், 'ஜூலை 25' - லிருந்து அன்புமணி சுற்றுப்பயணம் செல்கிறார். தனியார் ஏஜென்சிஸ் அவருக்காக களத்தில் இறங்க, இது பல சம்பவங்களுக்கு வழிவகை செய்யும் என்கிறார்கள் ஆதரவாளர்கள்.

'அருளை' வைத்து 'ராமதாஸ் Vs அன்புமணி'-க்கு இடையே நடக்கும் சமீபத்திய யுத்தத்தை ஒட்டி, பாமக-வை முழுமையாக கைப்பற்ற, இந்த பயணம் உதவும் என நம்புகிறார்கள் அன்புமணி ஆதரவாளர்கள்.

இதன் தொடர்ச்சியாக 'ஜூலை 7'- ஆம் தேதியிலிருந்து பயணத்தை தொடங்கும் எடப்பாடி. சில வியூகங்களை வகுத்துள்ளார். இந்த பயணம், ஸ்டாலினை டார்கெட் செய்து இருந்தாலும், உள்ளுக்குள் அமித் ஷா-வுக்கான பதிலடியும் உள்ளது என்கிறார்கள் அதிமுக சீனியர்கள்.

சிவகங்கை திருபுவனத்தில் போலீசாரால் தாக்கப்பட்டு கொல்லப்பட்ட அஜித்குமார். இதில் அஜித் குமார் மீது புகார் கொடுத்த நிகிதா யார்? 14 ஆண்டுகளுக்கு முன்பு அவர் மீது '420' கேஸ் போடப்பட்டு உள்ளது என பகீர் பின்னணிகள் வெளிவருகிறது. முக்கியமாக நிகிதாவுக்காக தற்போது அழுத்தம் கொடுத்த தலைமைச் செயலக அதிகாரி யார்? என விசாரணை நீள்கிறது. அதே நேரத்தில், சிவகங்கை சம்பவத்தை வைத்து நான்கு வழிகளில் எடப்பாடியும், 'ஜூலை 6' போராட்டத்தின் மூலம் விஜயும் தரும் நெருக்கடிகள். இதனால் தத்தளிக்கிறதா திமுக அரசு? இவை எல்லாவற்றையும் சமாளிக்க, ஐந்து ரூட்டை பிடித்திருக்கும் மு.க ஸ்டாலின் என்கிறார்கள் திமுக-வினர்.

திமுக-வில் கூட்டணி கட்சிகள் அதிக தொகுதிகளை எதிர்பார்க்கின்றனர். இது ஸ்டாலினுக்கு பெரும் நெருக்கடியை ஏற்படுத்தியுள்ளது. முக்கியமாக மதிமுக,விசிக,கம்யூனிஸ்ட்-கள் என பலரும் தலா '12' தொகுதிகளை எதிர்பார்க்கின்றனர். அதேநேரம், இதை சரிகட்ட 'ஓரணியில் தமிழ்நாடு' என்பதில் தீவிர கவனம் செலுத்துகிறார் மு.க ஸ்டாலின்.

இன்னொரு பக்கம் 'மோதிப்பார்க்கலாம் ' என்கிற மனநிலைக்கு வந்துவிட்டார் அன்புமணியும். கட்சியில் தன் தலைமைத்துவத்தை காப்பாற்ற டெல்லி பயணம் என வேகம் காட்டுகிறார். பின்னணியில் பாஜக தரும் அழுத்தங்கள் இருக்கலாம் என தகவல்.

ராமதாஸும்,எம்.எல்.ஏ அருள் மூலமாக ஆடிப்பார்க்கலாம் என முடிவுக்கு வந்துவிட்டார். ஏறக்குறைய உடையும் நிலையில் பாமக.